بعد ماكنت كل حياتي
إنت ملكش مكان ف حياتي
جرحك، وجعك، فوق نسيانك
رجعوا ليا حبي لذاتي
كنت نسيتها، أيوة نسيتها
دابت ف الوهم مع آهاتي
حرجع تاني أعشق نفسي
وأفتح للدنيا دراعاتي
عشت عشانك أوقات صعبة
كنت ف عيني أهل وصحبة
أنا سبت العالم والناس
علشان لوعة وحيرة وكدبة
لا، داانا عمري غالي عليا
وكرامتي أعز اختياراتي
كنت بشوف نفسي ف مرايتك
عقلي اتطمن تحت وصايتك
كنت بصدق كل حروفك
إزاي أنا مفهمتش غايتك
فاكر إن أنا لعبة ف إيدك
فوق، أنا شلتك من حساباتي
أنا كنت معاك صاحبة مبدأ
ومبادئي لا يمكن تتجزأ
كان نفسي ظني يتحقق
زي ما خليت قلبي اتعلق
قلبك بكرة حينزف هم
يتمنى يكون من ممتلكاتي
للمزيد من كلمات الشاعرة اضغط هنا
t – F اشترك في حسابنا على فيسبوك و تويتر لمتابعة أهم الأخبار العربية والدولية
