كشف الفنان المصري، محمد هنيدي، اليوم الخميس، أسرار جديدة عن حياته للمرة الأولى، فاجأ بها جمهوره ومحبيه.
اقرأ أيضا:
وقال الفنان المصري، خلال حلوله ضيفا على برنامج «معكم منى الشاذلي» الذي تقدمه الإعلامية المصرية منى الشاذلي والمذاع على فضائية cbc، إنه كان يتمنى الالتحاق بكلية الشرطة ولكنه تقدم للاختبارات ولم يستطع اجتيازها والتحق بكلية الحقوق.
وأضاف محمد هنيدي أنه دخل مجال التمثيل بالصدفة من خلال مسرح الجامعة اكتشف موهبته والتحق بأكاديمية الفنون.
فاز على دروجبا ورونالدو في كرة القدم
وأردف أنه خلال مشاركته في فعاليات موسم الرياض وتجربة أول روبوت حارس مرمى استطاع أن يحرز هدفا في هذا الروبوت والفوز على أكبر لاعبي كرة القدم في العالم منهم دروجبا ورونالدو وريفالدو مما آثار دهشة الجميع.
اشترى شقة بـ10 جنيهات في العجمي
وبطريقته الكوميدية المعروفه تحدث هنيدي عن أول شقة اشتراها في العجمي، قائلا: «كان حلمى أسكن في العجمي، وأول شقة اشترتها كانت بـ10 جنيهات، وقتها كنت بتمشى في العجمي وموافق أشترى أي حاجة بسيطة وكان معايا صديقى أحمد عبد الله وفي حد بتاع عقارات بيورينى شقة في أول دور وهي غرفتين وقالي خدها فقلت له مش معايا فلوس، فقالي معاك كام قلتله معايا 10 جنيه، قالي هاتها ونكتب العقد وبعد كدة فضلت أقسطها».
فيلا العجمي
وأضاف هنيدي: «الفنان محمود عبد الغفار كان في وقت مدير لسينما العجمي وكان مسيطر أوي في العجمي، وهو كان عاوز يخدمني وقاعدين أنا وهو ومراتي وبنهزر بقوله قدام ربنا يسهل عاوز أجيب فيلا، وقالي تعالي في فيلا نروح نتفرج عليها وكانت الساعة 1 بليل، وأنا أصلا مش معايا فلوس ليها، ولما روحنا والدنيا لقيناها ضلمة جدا وشكلها مفيش حد فقلنا ننط من فوق السور نتفرج عليها من بره وبكرة نبقى نشوفها من جوا».
وتابع هنيدي: «فجأة النور نوّر ولقينا ناس كتير ماسكين شوم، وطبعا عندهم حق ناس جاية تسطو على الفيلا وربنا أكرمنى بواحدة ست عرفتنى وقالتلي هو أنت يا نضري، وقالتلهم استنوا وكانت هي طوق النجاة ليا، وببص بعد كدة ملقتش محمود جنبى ولقيته واقف بره».
كان شعري أصفر وعينى ملونة
وتحدث هنيدي عن طفولته قائلا: «وأنا صغير كانت أحلى حاجة إني أروح أتفسح في القناطر وجنينة الحيونات، وكان شعري أصفر وعينى ملونة».
نون – وكالات
