نون–وكالات
مش هتحتارى معنا فى الحلويات مرة أخرى فى شهر رمضان ، يقدم موقع نون اون لاين طريقة عمل صينية البطاطس باللبن.
أولا: المكونات
كيلو ونصف بطاطس
علبة قشطة
كوباية سكر
كوباية لبن بشاير
2حبة بيض
2 معلقة كبيرة زبدة
1 معلقة صغيرة بيكنج باودر
1 معلقة صغيرة فانيليا
مكسرات (جوز هند – زبيب)
سمنة لتبطين الصنية
ثانيا: طريقة التحضير
نقوم بسلق البطاطاس قبل التقشير ويفضل اننا نسلقها على البخار، بعد السلق نقشرها ونهرسها كويس بالشوكة.
هنحط في الخلاط البيض والفانيليا ونضربهـم ، ثم نضيف الزبدة ولبن بشاير ونضربهم تاني في الخلاط.
نضيف القشطة والسكر لحد ما نتأكد ان السكر داب ونضع ملعقة البيكنج باودر.
نضع البطاطس في الخلطة ونضرب كويس تاني لحد ما تبقي قوامها ناعم ومتجانس.
ندهن الصنية بالزبدة او السمنة ونحط الخلطة فيها او نضع نص الخلطة ونزود في النص المكسرات، الزبيب او جوز الهند ونكمل صب باقي الخلطة.
ندخلها الفرن على درجة حرارة 200 بتاخذ حوالي نص ساعة لحد ما نلاقي اطرافها بدأت تتلون وقوامها متماسك .
