شارك الفنان المصري محمد عادل إمام متابعيه عبر صفحته الخاصة على إنستغرام، مقطع فيديو من كواليس فيلمه «ليلة هنا وسرور» الذي عرض مؤخراً، وظهر إمام في الفيديو مع ياسمين صبري أثناء جريهما معاً على جسر قصر النيل ضمن أحداث العمل.
وعلق إمام على الفيديو قائلا: «من أصعب المشاهد اللي صورتها أنا وياسمين صبري، بنجري بالبيجامة والروب على كوبري قصر النيل يوم الخميس بالليل، واللي أول مرة تعرفوه، وإحنا بنجري ياسمين وقعت مني فى وسط الكوبري وقعدت تعيط على الأرض، لأن كان عندها أصلًا رباط صليبى والناس ابتدت تتلم علينا جامد، وأنا قاعد بهدي فيها وأسلم على الناس في نفس الوقت».
وأضاف كاشفًا عن موقف طريف حصل معه بعدها: «لحد ما عربية الانتاج جت بسرعه و ركبناها فيها و مشيت وانا من كتر اللهوجه نسيت اركب معاهم، و فجأة لقيت نفسي واقف لوحدي بالروب و حافي في وسط امة لا اله الا الله و عاوزين كلهم يتصورا معايا او اتصورا خلاص و الدنيا اتقلبت و انا مش لاقي ولا حد من التصوير ،لحد مالقيت واحد صاحبي معدي بالصدفه بعربيته و لحقني، و في نفس الوقت طقم التصوير بيدورا عليا و مش عارفين انا فين، كان يوم صعب بس عدي على الخير الحمدلله و المشهد طلع لطيف جداً».
