كشف المطرب المصري تامر حسني عن سبب خوض تجربة الانتاج لنفسه للمرة الأولى في ألبومه الجديد “عيش بشوقك”.
وكتب تامر حسني، عبر الصفحة الرسمية على موقع التواصل الاجتماعي فيس بوك، «من قلبي لمن يهمه الأمر، اتساءلت كتير السؤال ده (أنت ليه أنتجت؟) الحقيقة من وجهة نظري المتواضعة كان لازم يكون في نقلة نوعية بالموسيقى في مصر والوطن العربي عشان الجمهور يستحق مننا كده».
وأضاف «إن الجمهور بحكم تطلعه وإدراكه الكبير بالموسيقى العالمية يستحق منا أننا نتعب أكتر عشانه بفن راق يستحق أن يكون واجهة موسيقية مشرفة لبلدنا ووطنا وتاني حاجة بحكم أني فنان أنعم الله عليا بمكانة دولية كبيرة في قلوب جماهيري في بلدي مصر وجميع بلاد الوطن العربي ولدى المغتربين في جميع أنحاء العالم وبعض الجماهير الأجنبية التي تتابعني كان لازم أتعب كده عشان التعب على قد المكانة».
واختتم «مش قادر أوصف لكم فرحتي بردود أفعالكم الجميلة على تعبي وتعب شركتي والنجاح ده وراه خلية نحل كبيرة بجد أبطال وأنا هشكرهم بطريقتي الفترة الجاية بس مش عايز أحرق هعمل إيه بس اللي عايزكم تعرفوه إن والله والله والله الشركة دي كلها شغالة من غير ولا عقد ورقي ولكن عقدنا الوحيد ووعدنا الوحيد هو الحب والإخلاص اللي في قلوبنا لبعض».
