أبدت الفنانة الاستعراضية سما المصري، غضبها الشديد بسبب هزيمة المنتخب المصري أمام نظيره السعودي خلال مباريات كأس العالم، مشيرة إلى عدم رضاها عن خطة المدرب الأرجنتيني هيكتور كوبر.
نشرت «المصري» مقطع فيديو عبر حسابها الخاص على «إنستغرام» ظهرت خلاله بملابس النوم حيث قالت: «إنتو عارفين المثل بتاع رضينا بالهم والهم مش راضي بينا.. لما خرجنا من كأس العالم بدري بدري.. قولنا مش مهم نلاعب السعودية أخوات وحبايب نغلبهم واحد اتنين… سيبك بس من الحكم.. مستر كوبر ملهي في إعلانات الفتة.. وجايب لعيبة مكان لعيبة منزلهاش أنت جايب شيكابلا مكان أحمد فتحي ومنزلتوش ليه».
وأضافت «اللعيبة مشغولة بالشو والإعلانات.. اتحاد كرة مشغول في فضايحه سفر إعلاميين وفنانين على حساب الدولة ومحدش بيحاسب حد.. حفلات ليلة الماتشات.. وفي الآخر تقولي محمد صلاح ميعتزلش دولياً.. ده لازم يعتزل دولياً».
وأرفقت سما الفيديو بتعليق: «والله الواحد قرب خلاص يطفش من البلد… أو انتحر وخلاص».
