تجاهر الفنانة المصرية الشابة آيتن عامر دائماً بحبها للفنان عمرو دياب فانتهجت طريقة جديدة للتعبير عن هذا الحب فشاركت متابعيها في صفحتها الرسمية على مواقع التواصل الاجتماعي صورة لـ الهضبة معلنة عن مسابقة طريفة أشاد بها متابعوها وتفاعلوا معها معتبرينها رداّ غير مباشر على انتقادات الفنانة شيرين عبد الوهابالأخيرة.
وعلقت آيتن على صورة عمرو دياب كاتبةً : «تعالوا نلعب، قولولي إيه أكتر جمل بتحبوها في أغاني عمرو دياب علشان دايمًا في أي ألبوم لعمرو بتلاقي جملة صغيرة مش كوبليهات كاملة بتساوي ألبوم لوحدها، بتكون بسيطة جدًا بس معبرة جدًا جدًا».
وتابعت عامر: «زي مثلًا هو الوداع يتقال فيه ايه.. ومشيت وياك ورجعت وحيد.. عشان مش صح نبقى ضعاف نبان ساعة الفراق بنخاف.. ومش قادر على الأيام ولا يوصف هوايا كلام.. ماهو لو ينسى هينسيني.. أنا سايبك تمشي تعيش وتقابل ناس تانيين.. وبان حزنه كله وضعفه لما فاق.. مش كل واحد جمب مني عزيز عليا.. فيه واحده بتنساها بواحده وواحده مبتتنسيش.. الأيام دي اتغير حالها مبقاش حد يعيش للتاني.. وأهو كل واحد يعمل اللي يريحه.. إنساني لو لسه فاكرني وانت ليك مليون طريقه.. روحي مش ممكن هترجع إلا بوجودك حبيبي وإيه تاني؟».
وانهالت التعليقات من متابعي آيتن المؤيدين للفكرة بشكل كبير والتي تضمنت عشرات الاغاني التي قدمها عمرو دياب في السنوات الماضية.
