نشر المطرب الشاب رامي صبري اعتذارًا للنجم تامر حسني وصناع فيلمه الجديد “تصبح علي خير” عبر صفحته الشخصية علي موقع التواصل الاجتماعي فيسبوك، وذلك علي خلفية مشاركته منشور مع أحد أصدقائه تحدث فيه عن أن أغنيته “الراجل” التي قام بطرحها مؤخرًا أفضل من فيلم تامر حسني الجديد ليقوم بحذف المنشور بعد ذلك.
وعلق صبري قائلًا: “البوست اللي نزل إمبارح علي صفحتي اللي بيخص تامر حسني أنا مسحته بنفسي عشان مبحبش حد يغلط أو يقلل من نجاح حد من زمايلي وتامر أخويا وصديقي ووليد منصور منتج الفيلم أخويا وصديقي من أيام الدراسة ومن وإحنا عيال. فأنا مستحيل أبدا أنزل بوست فيه إساءه لحد، مش أنا ومش أخلاقي. أما بالنسبة للناس اللي حطط رقمي online فأنا معنديش أي مشكلة أن الجمهور يكلمني لأني بشتغل للجمهور مش لنفسي.. أما بالنسبة للشتايم وقلة الأدب فربنا موجود والله يهديكم.. أخيرا مبروك لتامر فيلمه وإن شاء الله يبقي أحسن فيلم في تاريخه، تامر موهوب وناجح وده شيء مش أنا اللي هقولو دلوقتي.. ومبروك لوليد منصور ومبروك لصديقي المخرج العظيم محمد سامي”.
ليقوم بدوره الفنان تامر حسني بالرد علي منشور رامي قائلًا: “يا رامي إنت حبيبي وأخويا وأكيد في سوء تفاهم ألف مبروك على كل شغلك وإن شاء الله لما ارجع من السفر نروح الفيلم مع بعض”.
