دعا محمد عبد العزيز من جمهوره و متابعيه الدعاء لوالده الراحل الفنان محمود عبد العزيز، إذ شاركهم مجموعة من الصور تجمعه به طالبا منهم الدعاء له بالرحمة والمغفرة.
ونشر «عبد العزيز » بصفحته الخاصة على موقع التواصل الإجتماعي « إنستغرام » الصور التي أثارت إعجاب متبعيه، وعلق عليها بالقول: « اليوم 4ـــ06ـــ1946هو يوم عيد ميلاد حضرتك، وزى كل سنه لازم أكون اول واحد يقول لحضرتك كل سنه و حضرتك طيب و بخير يا حاج، كان نفسى أكون جنبك و أبوس راسك زى ما دايما بعمل، ياريته كان بإيدى ».
وأضاف: « انا متأكد ان حضرتك ان شاء الله فى احسن حال، يا رب أكون عند حسن ظن حضرتك و يا رب تكون راضى عنى و يا رب تكون الهدايا بتاعتى بتوصل لحضرتك،و ربنا يقدرنى انى أكون سبب يخلى حضرتك فرحان و مبسوط فى مكانك الطاهر النضيف، مش قادر اقول لحضرتك وحشتنى علشان والله العظيم اللى انا حاسس بيه اكبر من كده بكتير لدرجة انى مش لاقيله وصف، حتى كلمة بحبك بقا الإحساس اللى جوايا لحضرتك اكبر منها بكتير اوى، اللى مصبرنى انى متأكد إن حضرتك فى مكان احسن بكتير من اللى احنا فيه، كل سنه و حضرتك طيب و ان شاء الله نتقابل قريب و اتمنى يوم ماجيلك يكون مكانى جنب حضرتك، (لا اله الا الله سيدنا محمد رسول الله) ».
وختم كلامه بالقول: « أتمنى ان تشاركوني فى إرسال هديتى لوالدى العزيز الغالى بالدعاء له و الترحم عليه، لكم منى جزيل الشكر،(أسألكم الفاتحة و الدعاء لأبويا و لأمواتنا جميعا) ».
