الشيف منال العالم تقدم أسهل طريقة لعمل طاجن لحمة الرأس بالخضراوات الشهى واللذيذ، مع الخضراوات والتوابل الشهية.
المقادير:
نصف كيلو لحمة رأس، كوب بسلة، ثمرة جزر مقطعة، قرن فلفل حامى، 4 عدد بصلة، 2 طماطم، 2 رأس كرات مفرومة، 2 بطاطس مقطع شرائح أو مكعبات، 2 معلقة كبيرة ثوم مفروم، 10 عيدان كرفس، 5 معلقة كبيرة ماء، 2 عدد ورق لورا، 2 معلقة صغيرة فلفل أسود مطحون، 2 معلقة كبيرة صلصة طماطم، 1 ¼ كوب عصير طماطم، رشة جوزة الطيب،معلقة صغيرة بهارات لحمة،معلقة صغيرة حبهان، ¼ معلقة صغيرة كمون.
الخطوات
-تنظف اللحم جيدا بالماء والملح والليمون قبل السلق.
-في حلة تسلق لحمة الرأس من ساعة لساعة ونصف مع جزرة مقطعة وبصلة وكرفس ورأس كرات مفرومة وورق لورا وحبهان والملح والفلفل.
-في حلة على النار نضيف زيت ومعلقتين كبار ثوم مفروم وبصلتين مفرومين ونقلبهم كويس جدا.
-نضيف معلقة كبيرة كرفس ومعلقة كبيرة رأس كرات مفرومة ونقلب جيدا.
-نضيف كوب البسلة ونقلب جيدا، ثم نضيف طماطماية مقطعة مكعبات ونستمر في التقليب، بعدها نضيف كوب عصير الطماطم ونقلب جيدا.
-نضيف الكمون ورشة جوزة الطيب وبهارات الحمة ومعلقة صغيرة فلفل وصلصة الطماطم ونقلب كويس.
-بعد تمام نضح اللحمة ننتشلها، ثم نضيفها لحلة الصوص ونقلبها جيدا بدون رفع حلة الصوص من على النار.
-نحضر الطاجن ونضيف فيه 2 بطاطس شرائح، وطماطماية شرائح وفلفل أخضر شرائح وبصلة شرائح وربع كوب عصير طماطم، وقرن فلفل حار.
-نرفع لحمة الرأس من الصوص ونضعها في الطاجن ثم نضيف الصوص في الطاجن بجانب 5 ملاعق كبيرة ماء ونغطى الطاجن بفويل ويدخل الفرن نحو ساعة على درجة حرارة 180.
