تواجه بعض السيدات و البنات مشكله خطيرة وهى اسمرار المنطقه حول الفم وطبعا اى مشكله فى بشرتنا سببها يكون عضوى او ظاهرى.
اولا: الاسباب العضويه لهذه المشكله ترجع لارتفاع االاملاح فى البول او نسبه الكوليسترول فى الدم او تناول علاج فى كورتيزون او نقص فى بعض الفيتامينات فى الجسم او مشاكل فى القولون والجهاز الهضمى او كلف الحمل تمام كدا يبقى نعالج الاسباب الرئيسيه اذا وجدت
ثانيا: الاسباب الخارجيه تعرض للشمس لفترات طويله بدون واقى للشمس والصيف داخل ومعجون الاسنان واننا نتركه يسيل خارج الفم وخصوصا جوانب الفم وكمان اكل الفاكهه والموالح والعصاره تنزل حول الفم لازم نقطعها وناكلها قطع زى الصور الموضحه بلاش اكلها على بعضها لان هذا طبعا استعمال مستحضرات تجميل زى الروج والتحديد رخيصه ومش معروف مصدرها بتغمق لون الشفايف وكمان عند ازاله الروج بتسيبى اثار خارج الفم
الحل يكون بان نعمل وقايه يعنى نعالج الاسباب وهقولكم على ماسكين هتستخدمهم مرتين فى الاسبوع كل واحد مره
الاول ..عسل نحل طبيعى مضاف اليه زبادى وتدهنى بيه المنطقه حوالين الفم حتى الدقن ونتركه يجف وبعدين اشطفه بماء فاتره
الماسك التانى.. معلقه نشا كبيره وتعجن بماء ورد طبيعى وتفرد على نفس المكان ونتركها حتى تجف وبعدين نفركها برفق واشطفه بماء فاتره
بلاش نستخدم اى صابون عطرى وبعدين هنستخدم مرتين فى اليوم كريم طبى اسمه « موون لايت او مووون فيس » هما نفس التركيبه بيفتح الاسمرار ولكن لا تتعرضى لاشعة الشمس بعد وضع هذا الكريم .
وعند الخروج ضرورى نستخدم واقى شمس مناسب والصيف داخل ونستخدم بلسم للفايف يكون فى عامل حمايه وده وموجود فى اوريفليم خطير اووى وكمان بلسم لابيلو
ممنوع استخدام الوصفات العجيبه اللى بنسمع عنها زى الفازلين ولا الفازلين بالكركم والحاجات الفظيعه دى لان الفازلين بيسمر المكان عند بعض الناس ، وان شاء الله فى خلال اسبوع عشر ايام هتلاحظى الفرق
