الجمال الحقيقي للمرأه يبدأ من داخلها زى ما بنهتم بمظهرنا الخارجى والميك اب لازم الاول نهتم بجسمنا من الداخل
خطوات بسيطه وسهله جدا لو اتبعتيها هتحسى بفرق نفسى وشعور بالراحه وتغير المود للاحسن وبطاقه ايجابيه داخلية بكل بساطه
اولا : اهتمى ونظمى مواعيد نومك لازم جسمك ياخد الراحه الكافيه للنوم
ثانيا : اشربى مياه لانها بتعمل «ريفريش» لجسمك كله وبشرتك وبتجدد الاكسجين وسوائل كتير ويستحسن عصاير فريش مش معلبات عشان نتجنب المواد الحافظه اعصرى قطرتين ليمون على ماء فاتر صباحا واشربيهم يوميا ممتازه جدا للمعده
ثالثا : الرياضه مش ضرورى الرياضه بمفهومها الصعب ممكن تعملى تمارين بسيطه فى البيت او تلعبى زوومبا حتى لو نص ساعه بس يوميا ليس اكثر، هتفرق معاكى كتير ولو عندك اطفال ومشغوله شاركيهم معاكى وعلميهم تمارين بسيطه زيك وهتتبسطوا سوا بلاش كسسسل
رابعا : الاكل ثم الاكل ثم الاكل مش لازم تحرمى نفسك من كل حاجه كلى اللى نفسك فى بس بالعقل مش بافراط قللى الكميات من غير حرمان بلاش تصعبوها على نفسكوا الامور ابسط بكتير كلى خضار؛ سلطه ؛ فاكهه واعتبريها تسليه
واخيرا: واهم حاجه ان ربنا رزقنا بنعمه كبيره جداااا وهى الشمس وبرغم كدا اكثر بلاد عندها مشاكل في المفاصل هى البلاد العربيه عشان مش حاسين بقيمه النعمه دى
اشعه الشمس بتحتوى على فتامين D وده اللى بيساعد على امتصاص الكالسيوم اهم حاجه لعظمنا ازاى منستفدش من حاجه طبيعيه زى دى عرضى جسمك واولادك لضوء الشمس ولكن فى الاوقات من الساعه 6 صباحا الى 10 صباحا دى الفترة اللى اشعه الشمس غير مضره نهائى. وبعد الساعه 4 عصرا اما فترة الذروه دى خطر جدا ولازم قبل الخروج نضع ( صن بلوك ) واقى من الشمس مناسب لبشرتك كمية بسيطه جدا بس هتفرق معاكى كتيير ،الجمال الحقيقى يبدا من الداخل فأهتمى بالاساس
