عاطف دعبس يكتب: اللحية والنقاب
معظم الناس فاكره إن الدين «لحية ونقاب»، صحيح اللحية سنه، لكن تعدد الزوجات قاعدة، والاستثناء هو الزوجة الواحدة، والنقاب عادة حسنة، لكنه ليس فرض، والحجاب شرع الله.
الفكرة إن اللبس والمظهر مجرد شكل صحيح لكنه يفرض على صاحبه سلوك لو انتهى، يكون الشخص قد أساء لدينه الذي يفرض التقدير والاحترام للآخرين والمعاملة الطيبة والأخلاق الحميدة.
«يعنى الملتحي ماينفعش يمشى مع خطيبته المحجبة وهو ماسك يدها» والكل عارف انه خطيبها ولم يعقد عليها بعد، ولا يجلس – يحبها – في كافتيريا، ولا حتى يتصور سيلفى معها، أه والله !
والمنتقبة «ماينفعش تمشى وعنيها كلها بويه زرقة وموف ولبنى»، واللبس – محزق – على جسمها يعنى شافف وكاشف، والمنتقبة ليس لها أن – تشتم الناس وتتهمهم في سلوكهم وتقل أدبها – على زميلاتها في الشغل وتجعلهم يكرهوا النقاب – واللي لبسينه – !
ونأتي للملتحي تقوله، « طب ليه ما بتعددش وتتجوز على مراتك يقولك والنبي يا شيخ وطي صوتك لحسن الحاجة تسمع وتبقى ليله سوده» ، – اللى مش قد اللحية. يقص و يحلق – واللي مش عارفه أدبيات النقاب تتعلم ولو مش قادرة يبقى مش منتقبة ولا حاجه، يا ريت نفهم دينا صح ، ويا مسهل.
للمزيد من مقالات الكاتب اضغط هنا
t - F اشترك في حسابنا على فيسبوك وتويتر لمتابعة أهم الأخبار العربية والدولية 
